ثقافة وأدب

عشان خاطر عِيون عزّه

شان خاطر عِيون عزّه
……………………….
كلمات : محمد إسماعيل الرفاعي

مَعَسَّمه يا بلد مالك
مالِك ما انتصب طولِك ؟
بنوتِك حِدا الجنيات
مَلو الطُرقات بغنولِك
دايرنِّك تشدِّي الحيل
وعارفين السمِح هولِك
حضارات مافي ليها مثيل
ولا في بلد لِحق طولك
****************
وِرِثنا العِزَّه جيل عن جيل
حافظين كُل مواويلك
سارجِنْلِك ضِهِور الخيل
ضِد كل الطلب ويلك
نهِب فيهو ويضوق الويل
يرحل بيهو موج نيلِك
عشان عَزَّه الهواها خليل
أنحنا طيور أبابيلك
*************
عشانِك يا بلد واقفين
مادين إيدنا حب وحنان
حالفين نبقى منتصرين
وشايفِنِك عظيمة شان
مِن كل الدروب جايين
ولا بنسترهب السجّان
كان مُتنا بيجو التانين
ويخرشو شُعلة البركان

مع تحياتي
محمد إسماعيل الرفاعي
29 يونيو 2019م

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى