
اتنين اخوان جايين من الضعين شغالة معاهم مقابلات لي اكتر من 3 شهور ..
جمعون و نصر الدين 17 و 15 سنة اخوان ايتام ساكنين الضعين قرية التبلدي شمال السكة حديد ، قاعدين في العشوائيات في راكوبة فقط ، وامهم شغالة طُلبة بتدق الطوب عشان توفر ليهم مصدر الرزق ، وعندها تاني غيرهم 4 اطفال
اتخيلو نحن في زمن الام تشتغل شغل الرجال عشان تربي اولادها 😭
المرض جاء للكبير اول و استمر معاهو 10 سنة ، بعدها جاء للصغير وحاليا معاهو 5 سنة ، المرض ببدا بورم بسيط و بعدها بنتشر على كامل الوجه ، لدرجة انهم لا بقدرو ياكلو او يمضغو حاجة وعايشين فقط على السوائل 💔
السنة الفاتت امهم قررت تجيبهم الخرطوم و بعد الفحوصات اتقررت عملية للكبير و بسبب عدم قدرة الام المالية اضطرت انها ترجع بيهو و للاسف خلال السنة دي الورم زاد اضعاف ،
لمًا جاتني الحالة دي اتكفلت اني امسكهم و اخوي Yahia Abuassalسفرهم لي لحدي الخرطوم و فعلا مشيت عملت ليهم زيارة و شفت حالتهم بعيني ..
اتخيلو يا ناس لقيتهم نازلين في ورشة مع قريبهم ، عبارة عن غرفة و راكوبة ، قاعدين في وسط الازعاج و جو العمل الصعب وصوت الالات ..
وفعلا بديت معاهم مقابلات من الصفر وعشان جمعون قبل كده قابل مشيت وديتو لنفس المستشفى القديم لانو عنده فيه ملف و هو مستشفى الاسنان التعليمي ..
مرات الدكاترة يقولو ليهم ما عرفنا الحالة و مرات يقولو ليهم العملية اسي ما بتتعمل الا بعد يكبرو ..
حاليا جمعون و نصر الدين علاجهم حياخد فترة طويلة في الخرطوم ..
عشان كده الحوجة الاتي ..
– بيت يقعدو فيو مدة العلاج واقل بيت عادي شهرو ب 100 الف واقل شي حيتم ايجار 6 شهور
– الحوجة لبداية علاجهم من الصفر في مستشفى خاص ومن هنا عايزة لي اخصائي كويس عشان ابدا معاهم المقابلات ..
– الحوجة لمشروع للام و هي عبارة عن تجارة محاصيل بتكلفة 400 الف
الحوجة لزول يكفلهم و يكفل اخوانهم الصغار لانهم ايتام و عايزة ادخلهم ضمن برنامج الكفالات ..
والله يا جماعة لو قلت ليكم مليار و نص حتقضي حوجتهم اكون كضبت عليكم لانو حوجتهم مستمرة و على المدى البعيد ..
وللاسف كل ما طال الزمن الورم قاعد يزيد والتأخير مافي صالحهم
وهم الاولاد الاكبر لامهم و غيرهم ما عندها سند
للتبرع بنكك 2159571 مهاد عصام الدين فرع الجمهورية
للتبرع فوري 51363291 معاد عصام الدين فرع الموردة
اكتبو في الاشعار جمعون و نصر الدين ورسلوه واتس في الرقم 0967201050
عليكم الله يا جماعة اي زول يشير المنشور عندو عشان خاطر الايتام ديل 💔




