
من روائع الشاعر حميد
🙍🏾♂️يابا… المدارس اندمرت ؟
👳🏽♂️ أيييي يالحسن
🙍🏾♂️صاح الجوامع انكسرن ؟
👳🏽♂️أيييي يالحسن
🙍🏾♂️يابا …الجوامع هيل منو ؟
👳🏽♂️هيل الله .. نوووم
🙍🏾♂️حتى المدارس حقتو ؟
👳🏽♂️لالا.. المدارس حقت الحيكومه … نووووم
🙍🏾♂️هو الزول يكسر حقو كيف !!!؟
والضو يطلوحبو اندهاش …
ما يلقى قيف..
لا بانلو … بر
وامونه🧕
صوتها من البعيد …
🧕نووووم يا قشر
🙍🏾♂️صح يابا في الجامع في تمساح انبطح ؟
👳🏽♂️أيييي ياالحسن
🙍🏾♂️يابا التماسيح مسلمين !!!؟
👳🏽♂️لع .. مجرمين … لابسين دقون شايلين سبح
🙍🏾♂️ما تضربوهم بالسلاح وتكتلوهم .. تااااح ترااااح
والضو👳🏽♂️ سرح… الضو 👳🏽♂️سرح…
وامونه👵🧕صوتها من بعيد …
حلقها انجرح
🧕نوووووم يا قشر.. نووم قبل اجيك
👳🏽♂️يابا… البحر ده ولد منو ؟
👳🏽♂️ود المطر
🙍🏾♂️ويابا… المطر ؟
👳🏽♂️بت السحاب
🙍🏾♂️ويابا… السحاب ؟
👳🏽♂️خير للبشر
🙍🏾♂️ويابا… البشر ؟
👳🏽♂️هول ربنا
وامونة🧕
تجري من البعيد …
يقطع كلامو وتنحسو
تجبد اضانو
وتقرصو
🧕لا تقلدو …
جيب القشر ده علي رفاقتو نرقدو
امونة🧕 هزتا تمغسو
🙍🏾♂️انا داير انوم في صدر ابوي … شان البحر
وقام … وانحشر في صدر ابوهو وحدثو
🙍🏾♂️في مره
جونا رجال كبااااااااااار … كباااار
غمتولي في إيدي قروش كتاااااااااار … كتاااار
امونة شالتا فنتا
الراجل اب دقنآ كبير … سبّالا دنقر لقطا
وانا قم .. بكيت
امونة فكت صُرتا وادتني صندوق بسكويت
بعدين سكت…
وامونة🧕 قامت شووو … بكت!!
وتلفح نعالا وتفلعو …
🧕نوووووم يا قشر
نووووم قبل اجيك
🙍🏾♂️انا داير انووم في صدر ابوي … شان البحر
وقام .. وانحشر في صدر ابو
ونام الحسن.. في آخر المسا
وصنت عيون… النوم يجيها بعد تعب
سرسار .. وداخل المدرسة
والضو👳🏽♂️ غمد .. الضو 👳🏽♂️غمد …
…
#بين_الحسن_والضو_ابوهو_حوار_من_نار
# رحمه الله عليك ياحميد




