أعمدة رأي
إيناس خليل… تكتب… ( كل متوقع آت)
اتوقعت خيير اهلا وسهلا.. شر برضو بجيك فانت اختار تتوقع شنو يحصل ليك…
وقانون التركيز..
الكون بجذب لينا المزيد من الشي تركيزنا كلو عليه مثلا مثال بسيط جدا..
كنا نسمع اغاني قبل الحرب على ” النار ولعت”.. و”طيارة جات بي فوق” التي ترددها الفنانات في الحفلات الغنائية
والناس شغالة تردد ذي الببغاء والكون شغال معانا طيب عاوزين النار والدانة وسوخوي استقبلوا يلا…
وناس ( بل بس).. بدل العبارة دي ممكن تردد نصر بس احتفال بس… والله كلامكم وجذبكم للحرب زيادة اكعب من نار الجنجويد…
ممكن تقولو منصورين باذن الله حنعيش في رخاء باذن الله.. سلام وامان باذن الله..
الوعي الجمعي مهم جدا ياجماعة لازم نركز علي الشي الجميل ونتوقع الافضل دائما..
بالسوداني كدا الكون بقول ليك انت مركز او متوقع شنو انا بجيب ليك المذيد،،،
النبي عليه افضل الصلاة قال.. اقداركم علي افواهكم..
ياسادة الفنانين والشعراء اتقوا الله واختاروا الكلمات الايجابية عشان القطيع يرددوا وراكم..
لازم تثقفوا اغلبكم في مصر حاليا.. ومصر متطورة جدا في التنمية البشرية اخدوا كروسات حتعرفوا قيمة اغانيكم هل باثر سلبا ام ايجابا عن الوعي الجمعي.
مع محبتي وسلامي لامنا الأرض..
انوي لي ولكم ولبلدي الخير والسلام والسكينة.. والرخاء بحول الله وقوته..
